તારા હાથે બનેલી ખિચડીમાં મને

પકવાનનો રસાસ્વાદ આવે છે ,



આજે પણ અંધારામાં સીડી ચઢતાં ,

તારૂં શીખવેલું રામ-નામ યાદ આવે છે.


કયારેક તારો ખોબે ખોબે ઢોળાયેલો વ્હાલ ,

તો ક્દી તારો મારો વિવાદ યાદ આવે છે.


તારો અવાજ સાંભળી વળે છે એટલી જ શાતા,

જાણે એમાંથીય બ્રહ્મનો નાદ આવે છે .


તું સમજે છે આજે મને એ રીતે

મારા વાક્યમાં તારા વાત્સલ્યનો અનુવાદ આવે છે.


આજે પણ તારા વિના હોરાતું " તેજ " છું,

તું જ્યાં પણ હોય " માઁ " બહુ યાદ આવે છે.